Копируя икону, человек всесторонне познает ее и невольно приходит в соприкосновение с тем миром, который в ней заключен. Постепенно он начинает ощущать реальность этого мира, узнавать истинность данного образа, потом постигает глубину его содержания, поражается четкостью форм, внутренней обоснованностью его деталей и поистине святой простотой художественного выражения

— Монахиня Иулиания
Загружается...
Вы здесь:  Главная  >  Молитвослов  >  Молебен перед началом иконописания

Молебен перед началом иконописания

Слава Тебе, Боже наш, слава Тебе.

Молитва Святому Духу

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Святый Боже, Святый Крепкий, Святый Безсмертный, помилуй нас. (Трижды)

Слава Отцу и Сыну и Святому Духу, и ныне и присно и во веки веков. Аминь.
Молитва ко Пресвятой Троице

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Господи, помилуй. (Трижды).

Слава Отцу и Сыну и Святому Духу, и ныне и присно и во веки веков. Аминь.

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Господи, помилуй. (12 раз)

Слава Отцу и Сыну и Святому Духу, и ныне и присно и во веки веков. Аминь.

Приидите, поклонимся Цареви нашему Богу. (Поклон)

Приидите, поклонимся и припадем Христу, Цареви нашему Богу. (Поклон)

Приидите, поклонимся и припадем Самому Христу, Цареви и Богу нашему. (Поклон)

Псалом 69

Боже, в помощь мою вонми, Господи, помощи ми потщися. Да постыдятся и посрамятся ищущии душу мою, да возвратятся вспять и постыдятся хотящии ми злая. Да возвратятся абие стыдящеся глаголющии ми: благоже, благоже. Да возрадуются и возвеселятся о Тебе вси ищущии Тебе, Боже, и да глаголют выну, да возвеличится Господь, любящии спасение Твое: аз же нищ есмь и убог, Боже, помози ми: Помощник мой и Избавитель мой еси Ты, Господи, не закосни.

Тропарь  святому апостолу и евангелисту Иоанну Богослову, глас 2:

Апостоле, Христу Богу возлюбленне,/ ускори избавити люди безответны: / приемлет тя припадающа, / иже падша на перси приемый / Егоже моли, Богослове, / и належащую мглу языков разгнати, // прося нам мира и велия милости.

Тропарь преподобному Андрею Рублеву, глас 3:

Божественнаго света лучами облистаемый, / преподобне Андрее, / Христа познал еси Божию Премудрость и Силу / и иконою Святыя Троицы всему миру проповедал еси / Единство во Святей Троице, / мы же со удивлением и радостию вопием ти: / имеяй дерзновение ко Пресвятей Троице, // моли просветити души наша.

Тропарь преподобному Алипию, глас 4:

Поставил еси во уме своем отче Алипие / выну зрети сладчайший образ Иисусов, / тем положив камень смирения,  / безпрестанных молитв, / растворив слезными потоки, / написал еси на сердце твоем памяти о Бозе помышление, / еже напиши на сердцем моем, молюся,  // и сподоби мя лица Божия сладкого видения.

Слава Отцу и Сыну и Святому Духу, и ныне и присно и во веки веков. Аминь.

Богородичен, глас 4:

Еже от века утаенное, / и Ангелом несведомое таинство, / Тобою, Богородице, сущим на земли явися Бог, / в неслитном соединении воплощаемь, / и Крест волею нас ради восприим, / Имже воскресив первозданнаго, // спасе от смерти душы наша.

Господи, Иисусе Христе, Сыне Единородный Безначальнаго Твоего Отца, Ты бо рекл еси пречистыми устами Твоими: яко без Мене не можете творити ничесоже. Господи мой, Господи, верою объем в душе моей и сердце Тобою реченная, припадаю благости Твоей: помози мне, грешному, сие дело, мною начинаемое, о Тебе Самом совершити, во имя Отца и Сына и Святаго Духа, молитвами Богородицы и всех Твоих Святых. Аминь.